لا يغرك سعر التامين الرخيص، أهم مافي الشامل نسبة التحمل!
لا تستعجل في مقارنة اسعار تامين المركبات ولا يغرك لو كان سعر التامين رخيص! أهم شي ركز على مبلغ التحمّل اللي راح تدفعه لا قدر الله إذا حصلك حادث. مبلغ التحمل كل ما كان مرتفع، كل ما كان سعر التامين الشامل أقل. لكن احسب حسابه وقت الحادث أو لو راحت السيارة تالف!
ما هو مبلغ التحمل؟
مبلغ التحمل هو مبلغ تدفعه لشركة التأمين عند تقديم مطالبة تامين شامل فقط لو كان عليك نسبة من الخطأ في الحادث. طبعاً، وقت تامين السيارة يكون فيه خيارات لمبلغ التحمل (مثال: ٥٠٠ أو ٧٠٠٠ ريال); وحسب اختيارك يتغير سعر التأمين
وش الرابط بين سعر التامين الشامل ومبلغ التحمل؟
شركات التأمين تمشي على قاعدة بسيطة:
- كل ما كان مبلغ التحمل عالي → صار سعر التأمين أقل.
- وكل ما قلّ مبلغ التحمل → صار سعر التأمين غالي.
والفكرة من وجود مبلغ التحمل في التأمين الشامل هو تقليل مطالبات الحوادث البسيطة اللي الناس ممكن يتساهلوا فيها لو كل شيء “مجاني”.
لذلك إذا بتأمّن تكون عينك على سعر التامين ومبلغ التحمل وعلى أساسها تختار
الشطارة إنك تركز وقت مقارنة عروض تامين السيارات اونلاين على السعر + مبلغ التحمل مع بعض. مرات يكون سعر التامين رخيص، بس نسبة التحمل مرتفعة. ومرات سعر التأمين غالي، لكنك ما تدفع شيء عند المطالبة لأن نسبة التحمل تكون صفر (بدون تحمل).
جرب وكيل الآن واعرف كم نسبة التحمل في تامين تكافل الراجحي، ملاذ، ولاء أو الاتحاد وغيرها من الشركات
بخطوات بسيطة، وكيل يجمع لك عروض أفضل شركات التامين في السعودية بمكان واحد.
كل عرض يوصلك، تقدر تتحكم فيه وتشوف خيارات متنوعة ومتعددة لمبلغ التحمل، وتعرف “كم بيصير سعر تامين السيارة بالضبط” بثواني.
قارن اسعار تامين السيارات بوضوح، اختر نسبة التحمل المناسبة لك، وأمّن مطمّن
متى عادي تختار تأمين سيارة رخيص مع مبلغ تحمل عالي؟
صحيح تقدر تستفيد من فرق السعر لو اخترت مبلغ التحمل مرتفع، لكن المبلغ المرتفع ممكن يضر البعض أكثر مما ينفعهم. الشطارة إنك توازن وتحسب حسابك قبل ترفع مبلغ التحمل. لذلك فكّر في هالثلاث نقاط:…
1. وضعك المالي ممتاز وعندك احتياطات
أهم سؤال تسأله نفسك هو: “هل بإمكاني دفع ٢٠٠٠ ريال (مثلاً) في أي وقت وبدون أي صعوبة؟” لو المبلغ كان فوق طاقتك أو يحدك على السلف، اختار مبلغ التحمل يكون أقل. غير كذا، بتعيش سنة كاملة متوتر ومرتبك!
2. عدد الحوادث السابقة في سجلك لا يكاد يذكر
لا تختار مبلغ تحمل مرتفع لوعندك حوادث ومطالبات تامين كثيرة في السابق، لأنك غالباً بتدفع من جيبك أكثر مما توفر.
أما لو كنت صاحب سجل تاميني نظيف، هنا اختيار مبلغ تحمل مرتفع ممكن يفيدك. لأن احتمالية تكون السبب في حادث قليلة أصلاً، ومع خصم أحقية بتوفر أكثر!
3. المبلغ معقول بالنسبة لتكاليف تصليح السيارة
هل مبلغ التحمل مناسب ومعقول لقيمة تصليح السيارة؟ لو كانت قيمة السيارة حوالي ٧٠ ألف ريال واخترت تامين مبلغ التحمل فيه ٧٠٠٠ ريال — كأنك دافع على تأمين ما تستفيد منه إلا اذا كانت أضرار الحادث كبيرة أو لو راحت السيارة تالف. لأن لو كان تقدير أضرار السيارة أقل من مبلغ التحمل (أقل من ٧٠٠٠ ريال) بتضطر تدفع قيمة التصليح بنفسك، بدون تقديم مطالبة لشركة التأمين.
القرار بيدك أنت، قارن وعينك على سعر التامين ومبلغ التحمّل
خذ قرارك بعقل، ووازن بين ما تدفعه اليوم (سعر تامين السيارة) وما يمكن أن تدفعه غدًا (مبلغ التحمل). إذا حسبتها صح وأخذت بالنقاط المذكورة، بتلقى تامين السيارة اللي يريحك ويحميك بنفس الوقت.
