لا يغرك سعر التامين الرخيص، أهم مافي الشامل مبلغ التحمل!
لا تستعجل في مقارنة اسعار تامين المركبات ولا يغرك لو كان سعر التامين رخيص! أهم شي ركز على مبلغ التحمّل اللي راح تدفعه لا قدر الله إذا حصلك حادث. مبلغ التحمل كل ما كان مرتفع، كل ما خفّض لك سعر التامين الشامل. لكن احسب حسابه وقت الحادث أو لو راحت السيارة تالف!
ما هو مبلغ التحمل؟
مبلغ التحمل هي قيمة تدفعها فقط اذا كان الغلط عليك. طبعاً، وقت تأمن السيارة تامين شامل يكون فيه خيارات ممكن تكون ٥٠٠ ريال وممكن ٧٠٠٠ ريال — وحسب اختيارك يتغير سعر التأمين
وش الرابط بين سعر التامين الشامل ومبلغ التحمل؟
شركات التأمين تمشي على قاعدة بسيطة:
- كل ما ارتفع مبلغ التحمل → نزل سعر التأمين.
- كل ما قلّ مبلغ التحمل → ارتفع سعر التأمين.
والفكرة من منفرض قيمة التحمل هو تقليل مطالبات الحوادث البسيطة اللي الناس ممكن يتساهلوا فيها لو كل شيء “مجاني”.
لذلك إذا بتأمّن تكون عينك على سعر التامين ومبلغ التحمّل وعلى أساسها تختار
الشطارة إنك تركز وقت مقارنة عروض شركات التامين اونلاين على السعر + مبلغ التحمل مع بعض. مرات يكون سعر التامين قليل، بس التحمل وقت الحادث كبير. ومرات سعر التأمين أغلى، لكنك ما تدفع شيء عند الحوادث لأن نسبة التحمل صفر (بدون تحمل).
متى عادي تشتري تأمين سيارة رخيص مع مبلغ تحمّل عالي؟ ✅
صحيح تقدر تستفيد من فرق السعر لو اخترت مبلغ التحمل مرتفع، لكن المبلغ المرتفع ممكن يضر البعض أكثر مما ينفعهم. الشطارة إنك توازن وتحسب حسابك قبل ترفع مبلغ التحمل. لذلك فكّر في هالثلاث نقاط:…
1. وضعك المالي
أهم سؤال تسأله نفسك هو: “هل أقدر أدفع مبلغ التحمل في أي وقت وبدون أي صعوبة؟” لو كان دفع هذا المبلغ يسبب لك ضغط مالي أو يحدك على السلف، اختار عرض تامين بمبلغ تحمل أقل. غير كذا، بتعيش سنة كاملة متوتر ومرتبك!
2. عدد حوادثك السابقة
لا تختار مبلغ تحمل فوق طاقتك لوعندك حوادث كثيرة، لأنك غالباً بتدفع من جيبك أكثر مما توفر.
أما لو كنت صاحب سجل تاميني نظيف، هنا مبلغ التحمل العالي ممكن يفيدك. لأن احتمالية تكون السبب في حادث قليلة أصلاً، ومع خصم أحقية بتوفر أكثر!
3. هل المبلغ يتناسب مع سعر تصليح السيارة؟
هل مبلغ التحمل مناسب لقيمة تصليح السيارة؟ لو كانت قيمة السيارة حوالي ٧٠ ألف ريال واخترت تامين مبلغ التحمل فيه ٧٠٠٠ ريال — كأنك دافع على تأمين ما تستفيد منه إلا اذا كانت أضرار الحادث كبيرة أو لو راحت السيارة تالف. لأن لو كان تقدير أضرار السيارة أقل من مبلغ التحمل (أقل من ٧٠٠٠ ريال) بتضطر تدفع قيمة التصليح بنفسك، بدون تقديم مطالبة لشركة التأمين.
القرار بيدك أنت، قارن الأسعار مع قيمة التحمل
خذ قرارك بعقل، ووازن بين ما تدفعه اليوم (سعر تامين السيارة) وما يمكن أن تدفعه غدًا (مبلغ التحمل). إذا حسبتها صح وأخذت بالنقاط المذكورة، بتلقى تامين السيارة اللي يريحك ويحميك بنفس الوقت.
