من أبشر وبدون مراجعة المرور— أهم الخدمات المتوفرة أونلاين
-
Updated:
-
Post date
اليوم، أغلب خدمات المرور في السعودية صارت متوفرة اونلاين على منصة أبشر، وتقدر تنجزها بسهولة من أي مكان وفي أي وقت! من تجديد الاستمارة، اصدار رخصة قيادة، إلى نقل ملكية السيارة، أو الاستعلام عن تامين المركبات — كلها خدمات صارت ما تتطلب منك مراجعة إدارات المرور.
في هذه المدونة، نستعرض أهم الخدمات المرورية الموجودة على أبشر.
1. إصدار أو تجديد رخصة القيادة
عن طريق أبشر، بامكانك تقدّم طلب:
- اصدار رخصة قيادة سعودية
- حجز موعد في مدرسة تعليم القيادة
- تجديد الرخصة
2. تفويض سائق آخر
حاب تفوض أحد من أهلك يسوق سيارتك أو يسافر فيها برا السعودية؟
عن طريق أبشر تقدر تضيفه كمفوض رسمي.
تفويض مالك المركبة لغيره يعتبر مهم لأن التفويض يضمن لك:
- تحويل المخالفات بدل تسجيلها على صاحب السيارة
- ما يواجه أي مشكلة في المنفذ لو سافر بالسيارة
3. نقل ملكية المركبة
ناوي تشتري أو تبيع سيارة؟
كل إجراءات نقل الملكية تقدر تخصلها أونلاين عن طريق أبشر! (إذا تبغى شرح مفصل، عندنا دليل كامل هنا: دليل نقل ملكية السيارة في السعودية).
4. الاستعلام عن التامين
من أبشر، تقدر تشيك على كل معلومات تامين السيارة مثل:
- نوع تامين السيارة: تامين ضد الغير أو تامين شامل
- اسم شركة تامين السيارة
- تاريخ بداية ونهاية التامين
5. التنازل عن الحادث
الصلح دائماً خير، لكن في حالة التنازل أحرص على توثيق الاتفاق رسمياً عن طريق.
خدمة «التنازل عن الحادث» على أبشر. الخدمة توثق تنازل أطراف الحادث عن حق المطالبة بالتعويض من خلال شركات التأمين وتحميهم من بلاغات الهروب الكيدية. 📌 خطوة بسيطة لكن تحميك كثير في المستقبل!
6. الاستعلام عن المخالفات المرورية
عن طريق أبشر، تقدر:
- تشوف صور المخالفة وتفاصيلها
- تسدد قيمة المخالفة أونلاين
- الاعتراض على المخالفة
7. الاستعلام عن مخالفات الزائرين
كل مخالفات السيارات الخليجية (والأجنبية) في السعودية تنزل في أبشر. وتقدر بسهولة تستعلم عن مخالفات المرور في السعودية وتسدّدها حتى بدون حساب على أبشر — كل اللي تحتاجه رقم الحدود أو رقم الهوية اللي استخدمتها وقت دخولك المملكة.
كيف اسجل في ابشر اول مره؟
- من أبشر أفراد > اضغط على “مستخدم جديد؟”> مليّ البيانات المطلوبة
- بعد استكمال البيانات بيوصلك رمز التفعيل على الجوال، وبعدها تحدد اسم المستخدم وكلمة المرور.
- 🔐 بعدها تحتاج تفعّل حساب أبشر، وعندك أكثر من طريقة للتفعيل:
- جهاز الخدمة الذاتية 👉 اضغط هنا للعثور على أقرب جهاز
- عن طريق البنوك (إذا بنكك يوفر الخدمة)
- أو تروح لأقرب مكتب جوازات أو أحوال مدنية
- بعد تفعيل الحساب 📩، توصلك رسالة:
“تم تفعيل حسابك في أبشر بنجاح. سجل دخولك باستخدام رقم الهوية/الإقامة وكلمة المرور.”
أبشر سهّل خدمات المرور، والمنصات سهلت تجديد التامين اونلاين
أبشر سهّل علينا كثير من خدمات المرور والسيارات في السعودية. ما عاد فيه داعي تزور الفروع أو تنتظر بالساعات، كل الخدمات صارت موجودة أونلاين.
وبالمثل مواقع وتطبيقات التامين في السعودية، سهلت على الناس مقارنة اسعار تامين السيارات اونلاين. اياك تجدد تامين السيارة بدون ما تستفيد منها! مواقع تساعدك توفر وقتك وفلوسك، لأنها تجمع لك أفضل عروض التأمين كلها في مكان واحد، وتقدم خصومات من وقت لثاني
