أهم النقاط عن تامين سيارات ايجار منتهي بالتمليك
نظام الايجار المنتهي بالتمليك هو طريقة منتشرة في السعودية لشراء سيارة جديدة او مستعملة بدون كاش. فكرة النظام بسيطة: تقدّم طلب شراء سيارة من اختيارك إلى جهة تمويل (بنك أو شركة تمويل). وبعدها جهة التمويل تشتري السيارة وتأجرها للشخص مقابل التزام بدفع أقساط ايجار شهرية تشمل قيمة تامين السيارة تأمين شامل.
وفي نهاية العقد، يكون لك خيار تملك السيارة عن طريق نقل الملكية وتسديد الدفعة الأخيرة أو إعادة السيارة. وطبيعي يجي في بالك أسئلة كثير عن تامين السيارات بالنسبة لـ سيارة إيجار منتهي بالتمليك. خلنا نفصلها لك وحدة وحدة 👇
معلومات مهمة عن التأمين لو كان عندك سيارة أقساط (نظام الايجار)
تامين السيارة طول فترة الايجار يكون تامين شامل ✅
طالما ان سيارتك سيارة ايجار منتهي بالتمليك عليها تأمين شامل طول فترة العقد — وهذه أهم ميزة بالنسبة لسيارات التمويل التأجيري.
🔄 بعد انتهاء عقد ايجار السيارة: وش يصير؟
بعد سداد اقساط السيارة بالكامل، تصير المسؤول عن:
- نقل ملكية السيارة
- تجديد تامين السيارة—وهنا لك حرية تختار نوع التامين اللي يناسبك (تامين ضد الغير أو شامل)
💸متى ممكن أسترجع مبلغ تامين سيارة الايجار منتهي بالتمليك؟
لو وقعت عقد سيارة ايجار منتهي بالتمليك بعد نوفمبر 2020 وما صار عليك أي حادث طول فترة العقد، يحق لك المطالبة باسترجاع المتبقي من مبالغ تامين السيارة.
السبب: قسط التأمين ثابت يظل ثابت طول مدة العقد، لكن قيمة السيارة تنقص مع الوقت + ونسبة خصم عدم وجود مطالبات تزيد كل سنة. وجهة التمويل تحفظ الفائض بالمحفظة التأمينية، وبنهاية العقد انت تطلب الفائض.
⚠️ لكن انتبه اذا عليك مطالبات حوادث عليك نسبة فيها..
لو عليك مطالبات حوادث عليك نسبة فيها فالتأمين يزيد (مثلا ٨٠٠٠ سنوي، وانت تدفع ٦٠٠٠. بنهاية العقد بيطالبونك بالمبلغ الناقص.
⚠️ لو صار حادث والسيارة سيارة ايجار.. وش تسوي؟
تذكر إن السيارة طول فترة العقد تكون باسم البنك/ شركة التمويل، وضمن العقد تكون مسؤوليتك وقت الحادث
- رفع بلاغ الى نجم ومتابعة باقي اجراءات التامين
- رفض التنازل عن الحادث
البنك/ شركة التمويل هو مالك السيارة الفعلي الى ان تسدد كامل الأقساط. بالتالي، التامين يدفع التعويض لمالك السيارة (المؤجر)، وهو يختار الورشة ومكان التصليح. وغالباً يشترط المؤجر تصليح السيارة في وكالة أو ورشة تابعة له عشان يحافظ على قيمة السيارة.
لأن المؤجر يبي قطع وكالة مو تجاري وشغل يد مشّي حالك! ممكن تتعثر في السداد وجهة التمويل تسترجع السيارة، وتكون السيارة «مرهمة» ما تجيب قيمة اذا اراد المؤجر البيع او التقبيل للعميل آخر
👤 تامين سيارة الايجار المنتهي بالتمليك يشمل مين بالضبط؟
أي سيارة ايجار منتهي بالتمليك عليها تامين شامل، لكن تامينها يسقط في حال سلمتها لسائق آخر وارتكب حادث حتى لو كان معه رخصة سارية المفعول وكانت نسبة الخطأ عليه صفر.
💡 لو أي أحد غيرك يستخدم السيارة بشكل متكرر (ابن، أخ، زوجة، أو سائق)، اطلب من البنك تفويض سائق اضافي وبعدها قدم طلب إضافة اسم سائق اضافي إلى شركة تامين السيارة. هالخطوة البسيطة تحميك من رفض المطالبة وقت الحوادث أو تدخل في مشاكل بسبب حق الرجوع.
🚘 السيارة البديلة وقت الحوادث تعتبر «اضافة»
لو دخلت السيارة الورشة للتصليح، فالتأمين ما يعوضك قيمة سيارة بديلة إلا اذا كانت الخدمة مُضافة في وثيقة التأمين. بإمكانك تقدر تطلب إضافتها بدفع فرق المبلغ.
أهم نصيحة: أحرص على التفاصيل قبل التوقيع
بكل صراحة، ناس كثيرة وقعت في مشاكل قانونية مع سيارات الايجار المنتهي بالتمليك. ويا مكثر الناس اللي تورطوا بسبب استعجالهم! عشان تحمي نفسك
- اقرأ العقد بالتفصيل الممل، وراجع كل البنود واطلب توضيح لأي نقطة غير واضحة قبل التوقيع
- اختار جهة تمويل تحسب اقساط التامين بطريقة تناقصية (بدل قسط تامين ثابت طول فترة العقد).
- أرجع لنص وثيقة ضوابط التأمين الشامل على المركبات المؤجرة للأفراد وهيئة التأمين إذا واجهت أي مشكلة، لأنهم المرجع الرسمي لحماية حقوقك.
والحل الأفضل: خذ قرض شخصي وامتلك السيارة باسمك مباشرةً. كذا تتصرف في السيارة براحتك وهذا هو الأهم. وبالنسبة للتامين على السيارة، ممكن بسهولة تختار افضل وارخص تامين من عروض شركات التامين اللي تناسبك مقارنة اسعار التامين، وتتصرف فيها مثل ماتبي وهذا هو الاهم!
